* O ke kauka naturopathic pu no kekahi e like me ia i kuhikuhi ia ma ka HRS§455-8
Ka Nana Kauka ana o ka Haumana Papa Ehiku
Palapala Hoakaka me na Ninau Pinepine
Hawaiian
Olelo Mua
No ka pono o ke olakino o na opio ma Hawaii nei, ua kukulu ia kekahi koi hou no na keiki e
komo ana i ka papa ehiku e nana ia ai ke keiki e ke kauka, a ua kapa ia keia hana o ka “well-child
visit”.
Malalo o keia papa hana, nana ia ke keiki e kekahi kauka i laikini ia*, ka limahana kokua a ke
kauka, a i ole ke kahu mai i laikini ia.
He mea keia nana kauka ana e hiki ai i ke keiki e kuka kamailio me kona kauka ma ke ano
palekana no ke olakino a me ka mea e pono ai ke olakino, a penei e pale ia ai na pilikia olakino e
like me ke kino momona, ka puhi paka ana, a me ka uluhua o ka manao. He mea no hoi ia e loaa
ai ka hou kui ana e kupono ai i kau keiki no ka pale ana i na mai.
He aha ka mea e pono ai e ike?
He pono na haumana a pau e komo ana i ka papa ehiku e nana ia e ke kauka e like me ia i koi ia
ma ke kanawai (HRS §302A-1159).
Hiki no ke nana ia ke keiki e ke kauka maloko o umi kumamalua (12) mau mahina mamua o ka
la mua o ke kula. ʻAʻole pono nā hou palapala o ka olakino me maʻi-ʻai-ake ʻole ʻē aʻe, ʻakā inā
he haumāna hou ma kēia kahua kula nei.
E haawi ka makua a i ole ke kahu hanai i ka palapala Form 14 (Student Health Record) i pau i ka
hoopihapiha ia i ke kula ke kakau inoa ia ke keiki no ka papa ehiku.
Pono no e hoopihapiha ia ka palapala?
Ae. Ma ka la e halawai ai kau keiki e ke kauka, e haawi i ke kauka i ka palapala Form 14 e
hoopihapiha ia ai i ka wa e nana ia ai ke keiki e ke kauka. Hoʻihoʻi mai i ka Palapala 14 i pau i
ka hoʻopihapiha ʻia i ke kula a kāu keiki e komo ana no ka papa ʻehiku..
He lou no ka palapala Form 14:
No ka hooili ana i kekahi kope o ka palapala Form 14 a no kekahi ike hou aku no ke koi no ka
nana kauka ana no na keiki papa ehiku, e nana i ka www.HawaiiPublicSchools.org a e huli i ka
olelo Pelekania: “Physical Exam.”
No ke aha keia he mea nui?
He wā ka wā ʻōpio e nui ai ka loli ʻana o ke kino, ka haʻawina o ka naʻau, a me ke kūlana o ke
keiki mawaena o ka lehulehu. I loko o kēia wā, hiki ke kupu mai nā pilikia olakino he nui, he
mea hiki no ke pale ʻia nā mea he nui o ia mau pilikia. He mea kūpono no ka nānā kauka ʻana o
ke keiki a he wahi palekana nō ia no ka ʻōpio e walaʻau ai me ke kauka no kekahi mau pilikia i
kou olakino a me ka mea e kūpono ai ke olakino ʻē aʻe ā pau. He manawa kūpono hoʻi e hou ai i
nā hou kui i loaʻa ʻole i kāu keiki a e hou pū hoʻi i nā hou kui e pono ai no ke komo ʻana aku ma
ka papa ʻehiku.
Ke paipai aku nei ke American Academy of Pediatrics e nānā ʻia ke keiki a me ka ʻōpio e ke
kauka hoʻokahi a oi paha manawa o ka makahiki.
Hoʻoponopono hou ʻia i Malaki 2020
He aha ke ano kauka e hiki ai ke nana i ke keiki?
O na mea i laikini ia nana e malama i ka nana kauka ana, o ke kauka no*, ka hope o ke kauka, a i
ole ke kahu mai i kula ia.
Na wai e uku no ka nana kauka ana?
He mea ku makahiki ka nana kauka ana malalo o ka well-child visit i kaa malalo o ka inikua
malalo o ka papa hana Patient Protection and Affordable Care Act (ACA).
He aha ka Patient Protection and Affordable Care Act?
O ka Patient Protection and Affordable Care Act, kahea pinepine ia oia ka “Affordable Care Act”
a i ole “ACA,” he kanawai pili olakino no i hoopuka ia e ka Ahaolelo o ke aupuni a pulima ia i
kanawai e ka Pelekikena Barack Obama i Malaki 2010. O ka iini o keia kanawai, oia ka hooi ana
i ke kupono, ka loaa, a me ka mea e hiki ai ke uku no ka lawelawe ia ana o ka lapaau ana a me ka
inikua olakino ma Amelika Hui ia.
Pono ʻaneʻi e hou kui ʻia no ke komo ʻana aku i ka papa ʻehiku?
ʻAe. Ma waho aʻe o ka palapala hōʻike pilikino olakino, pono nā haumāna papa ʻehiku e hou kui
ʻia ma muli hoʻi o ke Kānāwai o ke Aupuni o Hawaiʻi. Aia nā manaʻo a pau e pili ana i nā pono
no nā hou kui ʻana ma ke kahua pūnaewele puni honua a ke Keʻena Olakino o Hawaiʻi ʻo
http://health.hawaii.gov/docd/school-health-requirements/
Pehea ina aole e nana ia ke keiki e ke kauka mamua o ke komo ana iloko o ka papa ehiku?
Inā ʻaʻole i loaʻa nā hōʻike pilikino olakino a ke keiki ma mua o ka lā mua i ka papa ʻehiku o ke
kula, hiki ana iāia ke hele mai i ke kula. ʻAkā, e hana like ana ke Keʻena Olakino a me ka
ʻOihana Hoʻonaʻauao ma ka hoʻomanaʻo mau ʻana me nā mākua a i ʻole nā mākua mālama i ia
kau kula, i mea hoʻi e paipai ai hoʻi i ka hele ʻana aku o nā keiki i ka nānā kauka pono olakino a
ke keiki.
Ua like no paha nā palapala hōʻike pilikino haʻuki me ka palapala pilikino olakino?
ʻAʻole, ʻo nā palapala hōʻike pilikino haʻuki, kūkulu wale ʻia nō no ka ʻāpono ʻia ʻana o kekahi
no ke komo ʻana aku ma kekahi haʻuki, a, o ka hōʻike pilikino olakino, kūkulu ʻia hoʻi no ka
nānā ʻana i nā pono olakino a pau a ke keiki.
Ua hiki paha ke hana ʻia nā hōʻike pilikino haʻuki a me ka hōʻike pilikino olakino i ka
manawa hoʻokahi?
ʻAe, ʻo ia hoʻi ka makemake o ka hapanui o nā kahua papahana mālama olakino i ka manawa
hoʻokahi .
Loaa no ka inikua no ka ohana emi o ke kala loaa?
Ae. He papa hana hui like ia ka Medicaid malalo o ke aupuni pekelala a me ke aupuni mokuaina,
nana e hoolako i ka inikua i na keiki a me na kanaka makua i emi ke kala loaa. E nana i ka
website o ka MedQUEST Oihana Lawelawe Lehulehu: mybenefits.hawaii.gov/medicaid-faqs/ no
kekahi ike hou aku.
